Ёмахо Ёмасо

Праца над эскізам па тэксце Ганны Златкоўскай "Дзённік уцякачкі" пасьля шматлікіх пошукаў атрымала назву "Ёмахо Ёмасо". Іранічны перафраз папулярнай песьні, якую спявалі  незнаёмыя  суседзі нападпітку, і якая нагадала гераіні пра страчанае ў вымушанай эміграцыі шчасьце.

Па задуме, аўтарка знаходзіцца ўнутры спектакля і першасна ажыўляе свае ўспаміны пра ўцёкі з Беларусі і сустрэчу з чужой краінай. Для рэжысера Андрэя Саўчанкі, які сам з'яўляецца на сцэне і запрашае гледача ўнутр працэса, важна ствараць жывое існаванне ў моманце і задаць гісторыі дзейсны ход. 

Сцэнаграфічны ход Таццяны Дзіваковай стварае аб'ём і кантраст таму, што адбываецца на сцэне. Ўспрыняцце актораў Алены Зуй-Вайцяхоўскай і Міхася Зуй праз прызму тэатральных прыёмаў трансфармуе і  ператварае бытавыя дыялогі і рэфлексійныя маналогі ў выклікаючыя смех і, часам, слёзы лёгкія сцэны. Гэта дазваляе гледачу падключацца, суперажываць, пазнаваць і размяшчаць сваю гісторыю, але не пакутваць ад гэтага.

18 кастрычніка а 18:00 
Akademia Sztuk Teatralnych im. St. Wyspiańskiego w Krakowie Filia we Wrocławiu, Scena im. Tadeusza Różewicza, ul. Braniborska 59